Sharab peena Islam mein haram hai, aur yeh sirf apke shohar ki zindagi ko nahi, balkay apki betiyon ki tarbiyat ko bhi nuqsan pohancha raha hai. Apko apne shohar ko achay tareqay se samjhana chahye ke yeh haram hai aur unko apni zindagi mein behtari lane ke liye Namaz aur Allah ke zikr ki taraf rujoo karna chahiye.

Agar apke shohar baat nahi samajh rahe, tu apko apne ghar walon aur unke ghar walon ko shaamil karke is maslay ko solve karne ki koshish karni chahiye. Is masly ko beth ke suljaya jaa sakta hai. Agar phir bhi masla solve nahi hota aur apko lagay ke apki zindagi mein agay barhna zaroori hai, tu apko apne aur apni betiyon ke liye faisla karna hoga. Yeh bohot zaroori hai ke ap apni zindagi mein aise faislay karain jo ap aur apki betiyon ke liye behtari le kar aye.

Meri Dua hai ke Allah apke shohar ko hidayat de aur apko sabr de. Ameen.